Բաքվի հայտնի շենքերից մեկը Կոլումբիայի փոխարեն լուսավորվել է Հայաստանի դրոշի գույներով
1 րոպեի ընթերցում
![Բաքվի հայտնի շենքերից մեկը Կոլումբիայի փոխարեն լուսավորվել է Հայաստանի դրոշի գույներով](http://armenpress.am/resized/480/static/news/b/2018/07/939813.jpg)
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Ադրբեջանում հերթական անգամ շփոթել են Հայաստանի ու Կոլումբիայի դրոշների գույները: Հուլիսի 3-ին՝ ֆուտբոլի Աշխարհի առաջնության Կոլումբիա-Անգլիա հանդիպման ժամանակ Բաքվի ամենահայտնի շինություններից համարվող Flame Towers բարձրահարկ շենքերից մեկը ներկվել է Հայաստանի Հանրապետության պետական դրոշի գույներով:
Ինչպես հաղորդում է «Արմենպրես»-ը, ՀՀ եռագույնով ներկված շենքի լուսանկարն ակտիվորեն տարածվում է համացանցում՝ դառնալով ադրբեջանցիների անտեղյակությունը ծաղրելու պատճառ:
Հայաստանի ու Կոլումբիայի դրոշները շփոթելն Ադրբեջանում նոր երևույթ չէ: Պատճառը Կոլումբիայի պետական դրոշի գույների նմանությունն է հայկականին. այն է՝ դեղին, կապույտ և կարմիր:
Բաքվի Flame Towers աշտարակները համարվում են երկրի ամենաբարձր երկնաքերերը: Դրանց շինարարությունն ավարտվել է 2012 թվականին: Շենքերն ամբողջությամբ պատված էն LED էկրաններով: