2 րոպեի ընթերցում
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության F խմբի երկրորդ տուրում աշխարհի գործող չեմպիոն Գերմանիայի հավաքականը մրցեց Շվեդիայի հետ:
«Արմենպրես»-ի հաղորդմամբ՝ մեկնարկային րոպեներին գերմանացիները անդադար գրոհում էին և ստիպել էին Շվեդիային փակվել սեփանակ կիսադաշտում: Վիճակագրությամբ առավելությունը գերմանացիների կողմն էր; Նրանք ամեն կերպ փնտրում էին շվեդների դարպասը տանող ճանապարհը:
Բայց գործեց ֆուտբոլի չգրված օրենքը՝ չես խփում դու, խփում են քեզ: Հանդիպում 32-րդ րոպեին Շվեդիայի հավաքականի արագ հակագրոհը եզրափակեց Տոյվոնեն, ով գրավեց Նոյերի պաշտպանած դարպասը:
Երկրորդ կեսի մեկնարկում «բունդեսմեքենան» շատ ակտիվ սկսեց և առավելութունը գոլի վերածեց Մարկո Ռոյսը, ով 48-րդ րոպեին վերականգնեց հաշվի հավասարությունը: Խփած գնդակը նոր թափ հաղորդեց աշխարհի գործող չեմպիոնների գործողություններին: Հանդիպման 82-րդ րոպեին գերմանացիները մնացին 10 ֆուտբոլիստներով: Երկրորդ դեղին քարտը ստացավ և հեռացվեց Բոատենգը: Եվ հանդիպման լրացուցիչ ժամանակում գերմանացիները հաղթանակ կորզեցին: Տուգանային հարվածից շվեդների դարպասը գրավեց Թոնի Կրոսը: Գերմանիա-Շվեդիա 2:1:
Գերմանիայի ազգային թիմը մունդիալի խմբային փուլի վերջին հանդիպումը կանցկացնի Հարավային Կորեայի հետ հունիսի 27-ին: Իսկ Շվեդիան կխաղա խմբի առաջատար Մեքսիկայի հավաքականի հետ: Երկու տուրերից հետո Մեքսիկան ունի 6 միավոր, Շվեդիան՝ 3, Գերմանիան՝ 3, Հարավային Կորեան միավոր չունի:
Մունդիալի մասին այլ նյութերայստեղ:
Լուսանկարները՝ FIFA