368.54
ՀՀ նախագահ Ռոբերտ Քոչարյանն ընդունել է տնտեսական համագործակցության հարցերով հայ-ռուսական միջկառավարական հանձնաժողովի համանախագահ Ի. Լեւիտինին
1 րոպեի ընթերցում
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է տնտեսական համագործակցության հարցերով հայ-ռուսական միջկառավարական հանձնաժողովի համանախագահ, ՌԴ տրանսպորտի նախարարի պաշտոնակատար Իգոր Լեւիտինին: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, համանախագահներ Իգոր Լեւիտինը եւ ՀՀ վարչապետ Սերժ Սարգսյանը նախագահին են ներկայացրել հանձնաժողովի հերթական նիստի արդյունքները: Կողմերը բարձր են գնահատել երկու երկրների միջեւ ծավալված տնտեսական համագործակցության առկա մակարդակը:
Բաժանորդագրվեք մեր ալիքին Telegram-ում