Գյումրու ծննդատան ֆինանսական աուդիտի հաշվետվությունը ուղարկվել է Շիրակի մարզի դատախազություն
1 րոպեի ընթերցում
ԳՅՈՒՄՐԻ, 14 ՀՈՒՆԻՍԻ, ԱՐՄԵՆՊՐԵՍ: Շիրակի մարզպետ Կարեն Սարուխանյանը «Գյումրու ծննդատուն» ՓԲԸ-ում ֆինանսական աուդիտի հաշվետվությունը ուղարկել է Շիրակի մարզի դատախազություն:
Հաշվետվությունում մի շարք չարաշահումներ են ֆիքսվել:
«Գյումրու ծննդատուն» ՓԲԸ ֆինանսական աուդիտի հաշվետվության ուսումնասիրությամբ փաստվել են մի շարք չարաշահումների վերաբերյալ տվյալներ։ Դրանք ուղարկվել են ՀՀ ոստիկանության Շիրակի մարզային վարչություն Քրեական դատավարական օրենսգրքի 180 հոդվածի կարգով նյութեր նախապատրաստելու և ձեռք բերված արդյունքներով տվյալ օրենսգրքի 181 հոդվածով նախատեսված որոշումներից մեկը կայացնելու հանձնարարությամբ:
Արմենուհի Մխոյան