Թուրքիայում քրդերի հետ բախման ժամանակ երեք թուրք զինվոր է սպանվել
1 րոպեի ընթերցում
![Թուրքիայում քրդերի հետ բախման ժամանակ երեք թուրք զինվոր է սպանվել](http://armenpress.am/resized/480/static/news/b/2018/06/935997.jpg)
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Թուրքիայի հարավարևելյան Հաքարի նահանգում, որը գտնվում է թուրք-իրաքյան սահմանին, Քրդստանի բանվորական կուսակցության (PKK) զինյալների և թուրք զինվորների միջև հերթական բախումն է գրանցվել:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Բախման հետևանքով երեք թուրք զինվոր սպանվել է, երկուսը՝ վիրավորվել:
Թուրքական իշխանությունների կողմից քրդական խնդիրը կարգավորելու գործընթացից հրաժարվելուց հետո PKK-ն հայտարարել էր, որ զինված ազատագրական պայքարը լեռներից տեղափոխելու է բնակավայրեր, մեծ քաղաքներ եւ զբոսաշրջային հանգստյան վայրեր:
Թուրքիայի ԶՈՒ ստորաբաժանումները լայնածավալ ռազմական գործողություններ են իրականացնում PKK-ի մարտիկների դեմ: