1 րոպեի ընթերցում
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Ամերիկացի դերասանուհի Ումա Թուրմանը հիմնական դերերից մեկը կխաղա «Գաղտնի սենյակներ» ապագա միստիկ դրամայում: Հեռուստաֆիլմի արտադրությանը պատրաստվում Է ձեռնամուխ լինել հոսքային տեսանյութերի Netflix ամերիկյան ընկերությունը: Այդ մասին, ինչպես տեղեկացնում Է «Արմենպրես»-ը, հայտնել Է Deadline պորտալը:
Կինոնկարը բաղկացած կլինի 10 սերիայից եւ կներկայացնի մի աղջկա պատմություն, որն ինֆարկտից հետո ողջ Է մնացել սրտի փոխպատվաստման շնորհիվ:
Ըստ սցենարի, գլխավոր հերոսուհին սկսում Է հետաքրքրվել իր դոնորի կյանքի մանրամասներով, բայց այդ մարդու մասին տեղեկատվություն հայթայթելու գործընթացում նրա մեջ արթնանում են նոր արտասովոր ունակություններ: Թուրմանը կատարելու Է Նենսիի՝ դոնորի մոր դերը: Նրա հերոսուհին ցանկանում Է պարզել իր զավակի մահվան պատճառները, համարելով, որ իրականում նա ողջ Է մնացել:
Սերիալի պրոդյուսերը դարձել Է Սթիվեն Հեյգանը՝ «Օսկար» մրցանակի դափնեկիրը «Թրաֆիք» կինոժապավենի սցենարի համար: Սցենարի վրա աշխատում են Լեա Ռեյչելը եւ Աքելա Քուփերը: Սերիալի թողարկման ժամանակը դեռեւս հայտնի չԷ, հաղորդել Է ՏԱՍՍ-ը: