Նոր «Վրիժառուների» համաշխարհային դրամամուտքերը 1 մլրդ դոլարի են հասել ռեկորդային կարճ ժամանակում
2 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Marvel-ի նոր կինոնկարը՝ «Վրիժառուներ. անվերջության պատերազմը», ըստ BoxOfficeMojo կայքի տվյալների, համաշխարհային վարձույթում 1 մլրդ դոլար Է փաստակել ընդամենը 11 օրվա ընթացքում՝ ավելի արագ, քան պատմության մեջ որեւԷ այլ ֆիլմ, տեղեկացնում Է «Արմենպրես»-ը: Միագումար դրամամուտքերը կազմում են 1,16 մլրդ դոլար, ընդ որում՝ Չինաստանում, որի կինոշուկան մեծությամբ երկրորդն Է աշխարհում, ֆիլմը կսկսեն ցուցադրել միայն մայիսի 11-ից: ԱՄՆ-ում եւ Կանադայում ֆիլմն արդեն հավաքել Է 450 մլն դոլար:
«Վրիժառուները» անցած հանգստյան օրերին դարձել Է հյուսիսամերիկյան վարձույթի անվերապահ առաջատարը՝ վաստակելով 112,5 մլն դոլար:
«Բազմաթիվ կինոնկարներ պրեմիերային ուիք-Էնդին նման դրամամուտքերի մասին միայն կարող են երազել»,-ասում Է ComScore-ի փորձագետ Պոլ Տեր-Կարապետյանը: Ֆիլմը բոլոր երկրներում գլխավորել Է վարձույթի վարկանիշները: Մասնավորապես, Ռուսաստանում «Վրիժառուները» առաջին հանգստյան օրերին դրամամուտքերի նոր ռեկորդ Է սահմանել՝ 17,6 մլն դոլար՝ գերազանցելով «Կարիբյան ծովի ծովահենների»՝ անցյալ տարվա ցուցանիշը:
Ավելի վաղ կինոնկարն առաջին ուիք-Էնդին դրամամուտքերի բացարձակ ռեկորդ Է սահմանել աշխարհում (630 մլն դոլար) եւ ԱՄՆ-ում (258 մլն դոլար):
Վերլուծաբանները կանխատեսում են «Վրիժառուների» հետագա հաջողությունը եւ նոր ռեկորդներ, քանի որ մինչեւ մայիսի 15-ը, երբ վարձույթ դուրս կգա երկրորդ «Դեդփուլը», կինոԷկրաններին աղմկալի պրեմիերաներ չեն սպասվում, հաղորդել Է «Ինտերֆաքս»-ը: