Շիրակի ոստիկանությունը հերքում է Գյումրիում ցուցարարների կողմը ոստիկանների անցնելու լուրը
1 րոպեի ընթերցում
ԳՅՈՒՄՐԻ, 19 ԱՊՐԻԼԻ, ԱՐՄԵՆՊՐԵՍ: Շիրակի ոստիկանությունը հերքում է Գյումրիում 10 ոստիկանի՝ ցուցարարների կողմն անցնելու լուրը:
Ինչպես «Արմենպրես»-ի հետ զրույցում պաշտոնապես հայտարարեց Շիրակի ոստիկանության պետի տեղակալ Աշոտ Գրիգորյանը, այդ հայտարարությունը սուտ է և չի բխում իրականությունից: «Նման բան գոյություն չունի: Բոլորը շարունակում են իրենց ծառայությունն իրականացնել»,-նշեց Աշոտ Գրիգորյանը:
Արմենուհի Մխոյան