Զախարովան պատասխանեց Սիրիային ԱՄՆ-ի հարվածի վերաբերյալ Թրամփի հայտարարությանը
2 րոպեի ընթերցում
![Զախարովան պատասխանեց Սիրիային ԱՄՆ-ի հարվածի վերաբերյալ Թրամփի հայտարարությանը](http://armenpress.am/resized/480/static/news/b/2018/04/929528.jpg)
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Մոսկվայում գտնում են, որ ԱՄՆ-ի հարվածները պետք Է ուղղված լինեն ոչ թե Սիրիայի կառավարության, այլ այդ երկրում գործող ահաբեկիչների դեմ: Այդ մասին, ինչպես հաղորդել Է «Ինտերֆաքս»-ը, հայտարարել Է Ռուսաստանի ԱԳ նախարարության պաշտոնական ներկայացուցիչ Մարիա Զախարովան:
«Խելացի հրթիռները պետք Է թռչեն ահաբեկիչների, այլ ոչ թե օրինական կառավարության ուղղությամբ, որը մի քանի տարի իր տարածքում պայքարում Է միջազգային ահաբեկչության դեմ»,-գրել Է Զախարովան Facebook-ում: Նա այն ենթադրությունն Է արել, որ ԱՄՆ-ի պլանավորվող հարվածները կարող են ուղղված լինել այն բանին, որ ոչնչացնեն սիրիական Դումայում քիմիական զենքի կիրառման ապացույցների ոչնչացմանը: Զախարովան այսպես Է մեկնաբանել ԱՄՆ-ի նախագահ Դոնալդ Թրամփի հայտարարությունը, որն ապրիլի 11-ին կոչ Է արել Ռուսաստանին՝ պատրաստվել Սիրիային ամերիկյան հրթիռահարվածին:
«Ռուսաստանը խոստանում Է խոցել բոլոր այն հրթիռները, որոնք կթռչեն Սիրիա: Պատրաստվի՛ր, Ռուսաստան, որովհետեւ հրթիռներ արձակելու են, լավ, նոր ու «խելացի» հրթիռներ: Դու չպետք Է ընկերություն անեիր կենդանու հետ, որը մարդկանց սպանում Է քիմիական զենքի օգնությամբ եւ հաճույք ստանում դրանից»,- գրել Է Թրամփը Twitter-ում: