366.69
Սա գործընկերային պահվածք չէր. Մանե Թանդիլյանը՝ ԱԺ նիստերի դահլիճում ՔՊ-ն ներկայացնող պատգամավորների ակցիայի մասին
1 րոպեի ընթերցում
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Ազգային ժողովի «Ելք» խմբակցության պատգամավոր, «Լուսավոր Հայաստան» կուսակցությազն անդամ Մանե Թանդիլյանին չի գոհացնում այն, որ «Ելք» խմբակցության ՔՊ-ական պատգամավորներ Արարատ Միրզոյանը և Լենա Նազարյանը խորհրդարանի նիստերի դահլիճում ակցիայի մասին իրենց տեղյակ չեն պահել: Ազգային ժողովում լրագրողների հետ զրույցում Մանե Թանդիլյանն ընդգծեց, որ դա գործընկերային պահվածք չէ:
«Ես շատ ավելի կողջունեի այս քայլը, եթե այն քննարկված լիներ: Դահլիճում հեգնական արտահայտություններ հնչեցին ու ես գործընկեր պատգամավորներին կոչ արեցի չհեգնել ու հարգանքով մոտենալ։ Այդքանը, բայց մենք այստեղ գործընկերներ ենք, և լավ կլիներ, որ դա քննարկվեր գործընկերների հետ։ Սա գործընկերային վերաբերմունք չէր։ Մենք պետք է դահլիճում անակնկալի չգանք»,- «Արմենպրես»-ի փոխանցմամբ՝ ընդգծեց Թանդիլյանը:
Ազգային ժողովում «Առևտրի և ծառայությունների մասին» օրենսդրական փաթեթի քննարկման ընթացքում «Քաղաքացիական պայմանագիր» կուսակցության անդամներ Արարատ Միրզոյանը և Լենա Նազարյանը խորհրդարանի նիստերի դահլիճում գունավոր ծուխ արձակող հրավառվող նյութեր վառեցին:
Բաժանորդագրվեք մեր ալիքին Telegram-ում