Սաուդյան Արաբիան առաջին անգամ կմասնակցի Կաննի կինոփառատոնին

ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Սաուդյան Արաբիան առաջին անգամ Կաննի կինոփառատոնին կներկայացնի մի քանի կարճամետրաժ ֆիլմեր: Այդ մասին, ինչպես տեղեկացնում Է «Արմենպրես»-ը, հայտնել Է Parisien թերթը: «Մենք շատ երջանիկ ենք, որ այսօր տիկին նախարար Ֆրանսուազա Նիսենի (Ֆրանսիայի մշակույթի նախարար) հետ առաջին անգամ պայմանավորվածություն ձեռք բերեցինք Կաննի կինոփառատոնին պաշտոնական մասնակցության վերաբերյալ»,-ասել Է Սաուդյա Արաբիայի մշակույթի նախարար Ավադ բեն Սալեհ ալ Ավադը:

Ֆրանսիայի եւ Սաուդյա Արաբիայի մշակույթի նախարարների հանդիպումը կայացել Է Սաուդյան Արաբիայի գահաժառանգ արքայազն Մուհամեդ բեն Սալմանի՝ Ֆրանսիա այցի շրջանակներում: Ճշտվում Է, որ Կանի կինոփառատոնում Սաուդյա Արաբիան կներկայացնի մի քանի կարճամետրաժ ֆիլմեր:

Կաննի 71-րդ միջազգային կինոփառատոնը տեղի կունենա 2018 թվականի մայիսի 8-ից մինչեւ 19-ը, հաղորդել Է ՌԻԱ Նովոստին: