368.53
Ղրղզստանում 150 մարդ Է թունավորվել հարսանիքում
1 րոպեի ընթերցում
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Ղրղզստանում 100 մարդ Է հոսպիտալացվել հարսանիքում զանգվածաբար թունավորվելու հետեւանքով, որը տեղի Է ունեցել Բիշքեկի ռեստորաններից մեկում: Այդ մասին, ինչպես տեղեկացնում Է «Արմենպրես»-ը, ապրիլի 2-ին հայտնել Է Ղրղզստանի մայրաքաղաքի պետական սանԷպիդհսկողության կենտրոնը:
«Բիշքեկի ռեստորաններից մեկում թունավորվելուց հետո ինֆեկցիոն հիվանդանոց Է տեղափոխվել 89 մարդ: Եվս 11 քաղաքացիներ գտնվում են Իսիկ-Կուլի մարզի ինֆեկցիոն հիվանդանոցում»,- նշել են գերատեսչությունում: Նրա աշխատակիցների տվյալներով՝ եւս «50 մարդ թունավորվելուց հետո ամբուլատոր բուժընթաց Է անցնում»:
Բոլոր տուժածների, այդ թվում՝ 19 երեխաների առողջական վիճակը բժիշկներին երկյուղներ չեն ներշնչում: Առողջապահության նախարարության նախնական տվյալներով՝ բոոր տուժածները մարտի 31-ին հարսանեկան հանդիսության են մասնակցել Բիշքեկի ռեստորաններից մեկում: Ներկայում հասարակական սննդի վայրում մնացած մթերքների լաբորատոր հետազոտություններ են անցկացվում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում