367.38
Կատալոնիայում բանաձեւ են ընդունել Պուչդեմոնի «քաղաքական իրավունքների երաշխավորման» համար
2 րոպեի ընթերցում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Կատալոնիայի խորհրդարանը բանաձեւ Է ընդունել, որը ճանաչում Է ձերբակալված կատալոնցի քաղաքական գործիչների, այդ թվում՝ Ժեներալիտետի նախկին ղեկավար Կառլես Պուչդեմոնի՝ ինքնավար հանրակցության կառավարության ղեկավարի պաշտոնին հավակնելու իրավունքը, տեղեկացնում Է «Արմենպրես»-ը: Բանաձեւը, որը խորհրդանշական բնույթ Է կրում, պաշտպանել են «Միասին հանուն Կատալոնիայի», «Կատալոնիայի ձախ հանրապետականներ» եւ «Ժողովրդական միասնության թեկնածություն» անջատողական կուսակցությունների պատգամավորները. նրանք միասին բացարձակ մեծամասնություն ունեն ինքնավար հանրակցության օրենսդիր մարմնում:
Բանաձեւը կոչ Է անում Կատալոնիայի խորհրդարանին՝ « ձեռնարկել անհրաժեշտ բոլոր միջոցները»՝ երաշխավորելու քաղաքական գործիչների քաղաքական իրավունքները, այդ թվում՝ Ժեներալիտետի ղեկավարի պաշտոնին հաստատման ընթացակարգ անցնելու իրավունքը: Այն վերաբերում Է Կառլես Պուչդեմոնին, որ ձերբակալվել Է Գերմանիայում, Ժորդի Սանչեսին եւ Ժորդի Տուրուլին, որոնք գտնվում են Մադրիդի բանտում: Բոլոր երեքին Էլ մեղադրանք Է ներկայացված ապստամբության կազմակերպման համար: Բացի այդ, Կատալոնիայի խորհրդարանը բանաձեւ Է ընդունել կալանքի տակ գտնվող քաղաքական գործիչներին ազատելու պահանջով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում