1 րոպեի ընթերցում
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Հանրապետական սենատոր Ջոն Մաքքեյնը քննադատել Է ԱՄՆ-ի նախագահ Դոնալդ Թրամփին այն բանի համար, որ նա զանգահարել Է Վլադիմիր Պուտինին եւ շնորհավորել նրան ընտրություններում տարած հաղթանակի առթիվ:
Այդ մասին, ինչպես տեղեկացնում Է «Արմենպրես»-ը, հայտնել Է «Ինտերֆաքս»-ը՝ հղում անելով The Hill-ին: Մաքքեյնի խոսքով՝ այդ հեռախոսազանգը «վիրավորել Է Ռուսաստանի յուրաքանչյուր քաղաքացու, որը զրկված Էր ազատ կամաարտահայտման իրավունքից, ազատ ընտրությունից եւ իր երկրի ապագան որոշելու հնարավորությունից»:
«ԱՄՆ-ի նախագահը չի կարող լինել ազատ աշխարհի առաջնորդը, եթե նա դիկտատորներին շնորհավորում Է կեղծ ընտրություններում հաղթելու առթիվ»,- հայտարարել Է սենատորը: Մարտի 20-ին Թրամփի եւ Պուտինի միջեւ կայացել Է հեռախոսազրույց, որի ընթացքում ԱՄՆ-ի ղեկավարը ՌԴ նախագահին շնորհավորել Է ընտրություններում տարած հաղթանակի առթիվ: Թրամփը զրույցը որակել Է «շատ լավ» եւ ակնարկել, որ մոտ ժամանակներս ինքը եւ Պուտինը կարող են անձնական հանդիպում ունենալ: