Թուրքիան «վախեցրել է» ԱՄՆ-ին պատասխան պատժամիջոցների հնարավորությամբ
1 րոպեի ընթերցում
![Թուրքիան «վախեցրել է» ԱՄՆ-ին պատասխան պատժամիջոցների հնարավորությամբ](http://armenpress.am/resized/480/static/news/b/2018/03/925631.jpg)
ԵՐԵՎԱՆ, 10 ՄԱՐՏԻ, ԱՐՄԵՆՊՐԵՍ: Թուրքիան պատրաստ է պատասխանել ԱՄՆ-ի կողմից հնարավոր պատժամիջոցներին: Ինչպես փոխանցում է «Արմենպրես»-ը, այդ մասին գերմական Zeit թերթին տված հարցազրույցում նշել է Թուրքիայի արտաքին գործերի նախարար Մևլութ Չավուշօղլուն:
Հարցին, թե ինչպես է Թուրքիան պատրաստվում արձագանքել հնարավոր պատժամիջոցներին, որոնք քննարկվում են ամերիկյան կոնգրեսում, Չավուշօղլուն նշել է. «Եթե նրանք ցանկանում են պատժել Թուրքիային պատժամիջոցներով, ապա Թուրքիան այլ կերպ կարձագանքի, քան Ռուսաստանն ու մյուս երկրները»:
«Մենք կպատասխանենք: Դուք չպետք է սպառնաք մեզ: ԱՄՆ սպառնում է շատերին՝ ասելով մոտավորապես այսպես. «գազ մի գնեք այդ կամ այն երկրից»: Այդպես չի կարելի»,- ավելացրել է Չավուշօղլուն: