Կիմ Չեն Ընի հետ Թրամփի հանդիպման վայրն ու ժամանակը կորոշվեն ավելի ուշ. Սպիտակ տուն

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: ԿԺԴՀ-ի առաջնորդ Կիմ Չեն Ընի հետ ԱՄՆ-ի նախագահ Դոնալդ Թրամփի հանդիպման վայրն ու ժամանակը կորոշվեն ավելի ուշ: Այդ մասին, ինչպես տեղեկացնում Է «Արմենպրես»-ը, մարտի 8-ին հայտնել Է Սպիտակ տան մամուլի քարտուղար Սառա Սանդերսը:

«Նախագահ Թրամփը կընդունի Կիմ Չեն Ընի հետ հանդիպելու հրավերն այն վայրում եւ այն ժամանակ, որոնք դեռեւս պետք Է որոշվեն»,- նշել Է նա: Սանդերսի խոսքով՝ ԱՄՆ-ն «ակնկալում Է համաձայնության հասնել Կորեական թերակղզու միջուկազերծման շուրջ»: «Մինչ այդ բոլոր պատժամիջոցները կմնան ուժի մեջ, եւ մենք այսուպհետեւ Էլ առավելագույն ճնշում կգործադրենք Փհենյանի վրա»,- հավելել Է նա:

Մարտի 8-ին Հարավային Կորեայի պատվիրակությունը եղել Է Սպիտակ տանը, որպեսզի ԱՄՆ-ի նախագահի վարչակազմին տեղեկացնի Փհենյանի հետ կայացած վերջին բանակցությունների արդյունքների մասին: Ամփոփելով այցի արդյունքները՝ Հարավային Կորեայի ներկայացուցիչները հայտարարել են, որ ԿԺԴՀ-ն պատրաստ Է հասնել Կորեական թերակղզու միջուկազերծման, ինչպես նաեւ բանակցություններ վարել ԱՄՆ-ի հետ եւ դրանց ընթացքում դադարեցնել միջուկային եւ հրթիռային փորձարկումները, հաղորդել Է ՏԱՍՍ-ը: