Վրաստանի նախագահը չի ցանկացել մասնակցել Խոջալուի վերաբերյալ ադրբեջանական զավեշտին
1 րոպեի ընթերցում
![Վրաստանի նախագահը չի ցանկացել մասնակցել Խոջալուի վերաբերյալ ադրբեջանական զավեշտին](http://armenpress.am/resized/480/static/news/b/2018/02/924111.jpg)
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Մարնեուլում ադրբեջանցիների հետ հանդիպմանը Վրաստանի նախագահ Գեորգի Մարգվելաշվիլին չի տրվել մասնակից երիտասարդներից մեկի սադրանքին, ով խնդրել էր նախագահին մեկ րոպե լռությամբ հարգել ադրբեջանական հերթական զավեշտի՝ «Խոջալուի իրադարձությունների զոհերի» հիշատակը:
«Արմենպրես»-ի փոխանցմամբ՝ ադրբեջանական լրատվամիջոցները նշում են, որ մեկ րոպե լռության արարողություն տեղի չի ունեցել, փոխարենը Մարգվելաշվիլին նշել է, որ հետևում է ԼՂ հակամարտության կարգավորման գործընթացին:
«Վրաստանը դեմ է ԼՂ հակամարտության էսկալացմանը»,- հայտարարել է Մարգվելաշվիլին: