1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: 23-րդ ձմեռային Օլիմպիական խաղերի մեդալների ոչ պաշտոնական հաշվարկի առաջատարը կրկին Նորվեգիան է:
«Արմենպրես»-ի հաղորդմամբ` 12-րդ մրցումային օրվա ավարտից հետո Նորվեգիայի հավաքականն ունի 13 ոսկե, 11 արծաթե և 9 բրոնզե մեդալ: Երկրորդ տեղում 12 ոսկե մեդալով Գերմանիայի օլիմպիական հավաքականն է: Նրանք ունեն նաև 7 արծաթե և 5 բրոնզե մեդալ: Եվ եռյակը եզրափակում է Կանադան 9 ոսկե, 5 արծաթե և 7 բրոնզե մեդալներով:
Օլիմպիական խաղերի 16 օրերի ընթացքում կխաղարկվեն մեդալների 102 հավաքածուներ 15 մարզաձևերում: «Սպիտակ խաղերի» պատմության մեջ առաջին անգամ է, որ խաղարկվում է մեդալների 100-ից ավելի հավաքածու: Ձմեռային խաղերում ամենաշատ մեդալների հավաքածուներ կխաղարկվեն դահուկավազքում (14): Խաղերին մասնակցում են Ձմեռային խաղերի համար ռեկորդային թվով մարզիկներ` 2952 մարզիկ աշխարհի 92 երկրից:
Խաղերի փակման պաշտոնական արարողությունը կկայանա փետրվարի 25-ին: