Թուրքիայում քրդամետ կուսակցության նախկին պատգամավորը ձերբակալվել է
1 րոպեի ընթերցում
![Թուրքիայում քրդամետ կուսակցության նախկին պատգամավորը ձերբակալվել է](http://armenpress.am/resized/480/static/news/b/2018/02/923166.jpg)
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Թուրքիայի քրդամետ Ժողովուրդների դեմոկրատական կուսակցության նախկին պատգամավոր Այլա Աքաթ Աթան Դիարբեքիրում ձերբակալվել է: Ինչպես հաղորդում է «Արմենպրես»-ը, այս մասին հայտնում է թուրքական Diken պարբերականը:
Տարբեր միջոցառումների ընթացքում հնչեցրած հայտարարությունների համար Աթան 2016 թվականի վերջին ևս ձերբակալվել էր: Նա վեց ամիս կալանքի տակ պահվելուց հետո 2017 թվականի մայիսին պայմանական ազատ էր արձակվել:
Թե որն է նոր ձերբակալության պատճառը, դեռևս հայտնի չէ: