Սիրիայում պատրաստվում են ֆիլմ նկարահանել պատերազմի հերոսների մասին
1 րոպեի ընթերցում
![Սիրիայում պատրաստվում են ֆիլմ նկարահանել պատերազմի հերոսների մասին](http://armenpress.am/resized/480/static/news/b/2018/02/922751.jpg)
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Սիրիացի կինեմատոգրաֆիստները պլանավորում են ֆիլմ նկարահանել պատերազմի հերոսների մասին եւ այդ հարցում ակնկալում են ռուս գործընկերների աջակցությունը: Այդ մասին, ինչպես տեղեկացնում Է «Արմենպրես»-ը, լրագրողներին հայտնել Է ռեժիսոր Սահիր Սարմենին:
«Այժմ սցենարիստները բազմաթիվ մտահղացումներ ունեն դրա վերաբերյալ: Ես վստահ եմ, որ մոտ ժամանակներս մենք ձեռնամուխ կլինենք առաջին նման կինոնկարի ստեղծմանը»,-հայտարարել Է նա: Դամասկոսում վերականգնման Է նախապատրաստվում Սիրիայի խոշորագույն կինոստուդիան, որը հիմնադրվել Է 1990 թվականին: Տաղավարների մի մասը ահաբեկիչների կողմից ավերվել Է մարտերի ընթացքում:
Միջազգային պատժամիջոցների պատճառով նկարահանման տաղավարներում վաղուց չեն թարմացվել սարքավորումները: Սիրիական կինեմատոգրաֆի ստեղծման տարեթիվը համարվում Է 1928 թվականը, երբ Էկրան բարձրացավ «Անմեղ մեղադրյալը» ֆիլմը, հաղորդել Է ՏԱՍՍ-ը: