Սիրիայում Թուրքիայի գործողությունները կարող են ծանր հետեւանքներ ունենալ. Վաշինգտոն

ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Միացյալ Նահանգները գտնում Է, որ Թուրքիան օրինական հիմքեր ունի անհանգստանալու իր ազգային անվտանգության համար, սակայն Սիրիայի հյուսիսում քրդական կազմավորումների դեմ ռազմական գործողությունը կարող Է խիստ բացասական հետեւանքներ ունենալ դրա անցկացման ընթացքում հնարավոր վրիպումների դեպքում: Ինչպես հայտնել Է Bloomberg գործակալությունը, այդ մասին հունվարի 25-ին հայտարարել Է ԱՄՆ-ի նախագահի ներքին անվտանգության հարցերով օգնական Թոմ Բոսերթը, որն ամերիկյան վարչակազմի ղեկավար Դոնալդ Թրամփին ուղեկցում Է Դավոսի Համաշխարհային տնտեսական համաժողով ուղեւորության ընթացքում:

«Հուսով եմ, որ ՆԱՏՕ-ն ինքն իր դեմ չի կռվում»,-ասել Է նա:

ԱՄՆ-ի ղեկավարի օգնականը հիշեցրել Է, որ Թուրքիան Հյուսիսատլանտյան դաշինքի անդամ Է: Այդ կապակցությամբ Բոսերթը հույս Է հայտնել, որ Թուրքիայի նախագահ Ռեջեփ Թայիփ Էրդողանը «պահպանում Է հանձնառությունն իր պարտավորություններին եւ հաշվի Է առնում դրանք, երբ խորհում Է իր որոշումների հետեւանքների մասին», հաղորդել Է ՏԱՍՍ-ը: