1 րոպեի ընթերցում
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Պաղեստինի ազատագրման կազմակերպության (ՊԱԿ) Կենտրոնական խորհուրդը հունվարի 15-ին Ռամալլահում կայացած քննարկման ընթացքում կոչ Է արել կասեցնել Իսրայելի՝ որպես պետության ճանաչումը՝ ի պատասխան Երուսաղեմն Իսրայելի մայրաքաղաք ճանաչելու ԱՄՆ-ի նախագահ Դոնալդ Թրամփի որոշման:
Այս մասին, ինչպես տեղեկացնում Է «Արմենպրես»-ը, հայտնել Է AFP-ն՝ վկայակոչելով ՊԱԿ-ի ղեկավար մարմնի հայտարարությունը: «ՊԱԿ-ի Կենտրոնեական խորհուրդը Գործադիր կոմիտեին հանձնարարել Է կասեցնել Իսրայելի ճանաչումն այնքան ժամանակ, քանի դեռ նա Պաղեստինը պետություն չի ճանաչել 1967 թվականի սահմաններում, չեղյալ չի հայտարարել Արեւելյան Երուսաղեմի անեքսիան եւ չի դադարեցրել գաղութացումը»,- ասված Է փաստաթղթում:
Պաղեստնի ազատագրման կազմակերպությունը միջազգային հանրակցության կողմից ճանաչվել Է պաղեստինցի ժողովրդի օրինական ներկայացուցիչը: Կենտրոնական խորհուրդը կազմակերպության ընդլայնված ղեկավար մարմինն Է, որը գումարվում Է Պաղեստինի Ազգային խորհրդի (վտարանդի խորհրդարանի) նստաշրջանների միջեւ, հաղորդել Է ՏԱՍՍ-ը: