ԱՄՆ գործերի հավատարմատարը կանչվել է Թուրքիայի արտգործնախարարություն
1 րոպեի ընթերցում
![ԱՄՆ գործերի հավատարմատարը կանչվել է Թուրքիայի արտգործնախարարություն](http://armenpress.am/resized/480/static/news/b/2018/01/918519.jpg)
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Թուրքիայում Միացյալ Նահանգների գործերի հավատարմատար Ֆիլիպ Կոսնետը կանչվել է այդ երկրի արտաքին գործերի նախարարություն: Ինչպեսհաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Դիվանագիտական աղբյուրներից ստացված տեղեկատվության համաձայն՝ հանդիպման ժամանակ թուրքական կողմն իր մտահոգությունն է հայտնել այն փաստի առնչությամբ, որ ԱՄՆ-ն աջակցում է Սիրիայի քրդական «Ժողովրդավարական միություն» կուսակցության (PYD) անդամներին:
Նախօրեին Թուրքիայի ԱԳՆ էին կանչվել Ռուսաստանի և Իրանի դեսպանները կապված այն հարցի հետ, թե Սիրիայի կառավարական ուժերը խախտել են Իդլիբում հրադադարի պահպանման ռեժիմը: