367.93
Հորդանանի խորհրդարանը պահանջել Է վերանայել Իսրայելի հետ կնքված հաշտության պայմանագիրը. Naharnet
1 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Հորդանանի Ազգային ժողովի (խորհրդարանի) ստորին պալատի պատգամավորները պահանջել են «վերանայել այն բոլոր համաձայնագրերը, որոնք թագավորությունը կնքել Է Իսրայելի հետ, ներառյալ 1994 թվականի հաշտության պայմանագիրը»:
Դեկտեմբերի 11-ին այս մասին հայտնել Է Naharnet նորությունների պորտալը, տեղեկացնում Է «Արմենպրես»-ը: Պորտալի տեղեկատվությամբ՝ օրենսդիրներն այս որոշումն ընդունել են ի պատասխան ԱՄՆ-ի նախագահ Դոնալդ Թրամփի կողմից Երուսաղեմը որպես Իսրայելի մայրաքաղաք ճանաչելուն:
Հորդանանի միապետերը Երուսաղեմի կրոնական սրբավայրերի հովանավորներն են: Աբդալա Բ թագավորը դեկտեմբերի 7-ին հանդիպել Է Պաղեստինի նախագահ Մահմուդ Աբասի հետ եւ քննարկել «Երուսաղեմի եւ նրա բնակիչների պաշտպանության» անհետաձգելի միջոցները: Հաշիմյան Թագավորությունը դարձել Է Եգիպտոսից հետո երկրորդ արաբական պետությունը, որը 1994 թվականին հաշտության համաձայնագիր Է ստորագրել Իսրայելի հետ (պայմանագիրը կնքվել Է Վադի Արաբա ավանում), հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում