Պուտինն Անկարայում Էրդողանի հետ կքննարկի Սիրիայի ու Երուսաղեմի շուրջ վերջին զարգացումները
1 րոպեի ընթերցում
![Պուտինն Անկարայում Էրդողանի հետ կքննարկի Սիրիայի ու Երուսաղեմի շուրջ վերջին զարգացումները](http://armenpress.am/resized/480/static/news/b/2017/12/915626.jpg)
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը դեկտեմբերի 11-ին կժամանի Թուրքիայի մայրաքաղաք Անկարա: Ինչպես հաղորդում է «Արմենպրես»-ը, այս մասին հայտնում է թուրքական «Միլլիեթ» պարբերականը:
Այցի շրջանակում երկու երկրների նախագահները կքննարկեն ռուս-թուրքական հարաբերությունները, ինչպես նաև Սիրիայի ու Երուսաղեմի կարգավիճակի շուրջ վերջին զարգացումները:
Էրդողանն ու Պուտինը վերջին անգամ հանդիպել էին նոյեմբերի 22-ին Սոչիում: