Ռայան Ռեյնոլդսը կխաղա Փիկաչուի դերը

ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկացի դերասան Ռայան Ռեյնոլդսը, որը հայտնի Է Դեդփուլ կատակերգական գերհերոսի դերով, «Խուզարկու Փիկաչուն» ֆիլմում կխաղա գլխավոր գործող անձի դերը: Այս մասին, ինչպես տեղեկացնում Է «Արմենպրես»-ը, հայտնել Է The Hollywood Reporter-ը:

Հրատարակությունը նշում Է, որ Փիկաչուն պոկեմոնի տեսակներից մեկն Է, իսկ խուզարկու Փիկաչուն՝ անհատ, որն իրեն համարում Է մեծ քննիչ՝ Շեռլոք Հոլմսի նման: Ֆիլմը հիմնված Է համանուն տեսախաղի վրա:

Բացի Ռեյնոլդսից, «Խուզարկու Փիկաչուն» ֆիլմում դերեր կկատարեն Ջաստիս Սմիթը եւ Քեթրին Նյուտոնը, կինոնկարի նկարահանումները կսկսվեն հունվարին Լոնդոնում, ռեժիսորը կլինի Ռոբ Լեթերմանը:

Նշվում Է, որ Ռեյնոլդսի դերի համար կօգտագործվի շարժման կալման տեխնոլոգիան, հաղորդել Է «Ինտերֆաքս»-ը: