3 րոպեի ընթերցում
Վարկանիշի առաջատար Է դարձել Շոն Բեյքերի «Ֆլորիդա» նախագիծը»՝ ամերիկյան տրագիկոմեդիան մանկական աշխարհզգացության եւ կյանքի արժեքների մասին: Կինոնկարը, հնարավոր Է, դարձել Է Ուիլեմ Դեֆոյի լավագույն աշխատանքը եւ կինոսիրողներին ծանոթացրել Է դերասանուհի Բրուքլին Փրինսի հետ, ասված Է հոդվածում:
Երկրորդ տեղը բաժին Է հասել կինոքննադատների բարեհաճությանն արժանացած «Ինձ քո անունով կոչիր» ժապավենը: «Ես սերն եմ» եւ «Մեծ պոռթկում» ֆիլմերով հայտնի ռեժիսոր Լուկա Գուադանիոնի նոր աշխատանքը դարձել Է Անդրե Ասիմանի համանուն նովելի Էկրանավորումը: Կինոնկարում գլխավոր դերերը խաղացել են Արմի Համերը, Թիմոթի Շալեմեն եւ Մայքլ Սթուլբարգը:
Առաջատարների եռյակը եզրափակում Է Գրետա Հերվիգի «Լեդի Թռչունը» ռեժիսորական դեբյուտը՝ իսլանդացի երիտասարդ դերասանուհի Սիրշա Ռոնանի մասնակցությամբ: Ֆիլմում ներկայացված Է Սակրամենտոյից ավագդասարանցի ըմբոստ մի աղջկա պատմությունը, որը ցանկանում Է Նյու Յորք փախչել իր ավագ հոգեեղբոր հետ միասին: Կինոնկարը գերել Է կինոքննադատների սրտերը եւ արդեն դարձել Է պարգեւատրման տարեշրջանի ֆավորիտը:
Վարկանիշի չորրորդ հորիզոնականն զբաղեցրել Է սեւ կատակերգության եւ հորրորի ժանրային միքսը՝ «Հեռու ինձանից» ֆիլմը: Աֆրոամերիկացի ռեժիսոր Ջորդան Փիլի դեբյուտային նախագիծն արծարծում Է ռասիզմի հարցերը՝ կասկածի դտակ դնելով ամերիկյան հասարակության հանդուրժողականությունը:
Անցնող տարվա լավագույն կինոնկարների ցուցակում հինգերորդը դարձել Է կինոռեժիսոր Անիես Վարդայի եւ լուսանկարիչ JR-ի «Դեմքեր, գյուղեր» ֆրանսիական վավերագրական ֆիլմը: Կինոնկարն արժանացել Է Կաննի միջազգային կինոփառատոնի «Ոսկե աչք» մրցանակին:
Թոփ-10-ում տեղ են գտել նաեւ «Մարջորի Փրայմ» կամերային դրաման՝ Ջոն Հեմի մասնակցությամբ, Իրաքի պատերազմի սարսափների մասին պատմող «Թաքնվելու տեղ չկա» կարճամետրաժ ժապավենը, Լյուք Բեսոնի «Վալերիանը եւ հազար մոլորակների քաղաքը», 90-ական թվականների սկզբին ՄԻԱՎ-ի դեմ պայքարի մասին «Րոպեում 120 զարկ» կինոնկարը, ինչպես նաեւ «Թափանցիկ թելը»՝ լեգենդար Դենիել Դեյ-Լյուիսի վերջին դերասանական աշխատանքը, հաղորդել Է ՌԻԱ Նովոստին: