2 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Հոլիվուդի աստղ Ջուլյա Ռոբերտսն ասել Է, որ հայտնվել Է «Հրաշք» ֆիլմում խաղացած իր դերի ուժեղ տպավորության տակ, որը նոյեմբերին Էկրան Է բարձրացել ամբողջ աշխարհում, տեղեկացնում Է «Արմենպրես»-ը՝ հղում անելով BBC-ին:
Ռոբերտսը ֆիլմում խաղում Է հազվագյուտ ծագումնաբանական հիվանդությամբ երեխայի մոր դերը, հիվանդություն, որի պատճառով նրա դեմքը սխալ Է ձեւավորված: Ֆիլմը հիմնված Է Ռաքել Ջ. Պալասիոյի համանուն գրքի վրա, որը պատմում Է դպրոցում Օջի տղայի անցկացրած առաջին տարվա մասին: «Երբ ես կարդացի գիքը, հասկացա, որ նա այնքան ցնցող եւ առանձնահատուկ Է ներկայացնում այդ պատմությունը. եւ դա պատմություն Է բոլորիս մասին»,- ասում Է Ռոբերտսը:
Դերասանուհու հերոսուհի Իզաբել Փուլմանն Օջիին տանն Է ուսուցանում մինչեւ 10 տարեկանը, երբ որոշում Է նրան դպրոց տալ: Տղայի դերը խաղում Է 11-ամյա Ջեյքոբ Թրեմբլեյը:
«Իզաբելը 10 տարվա ընթացքում ամեն րոպեն անցկացնում Է այդ արտակարգ տղայի հետ, իսկ հետո մի օր հասկանում Է, որ, չնայած իր մայրական բնազդին, անհրաժեշտ Է նրան ծանոթացնել աշխարհին»:
«Այս ֆիլմի գլխավոր ուղերձն այն Է, որ Է ընտրես բարությունը, լինես քեզ հավատարիմ եւ տեղի չտաս»,- կարծում Է Թրեմբլեյը:
Ռոբերտսն ասում Է, որ ինքն ու Թրեմբլեյն ուրախ են կինոնկարին մասնակցություն ունենալու համար:
«Մենք կարող ենք լինել բարի, մեղմ, ցանկացած իրավիճակի նայել ավելի լայնորեն, իսկ գուցե, պարզապես դանդաղել եւ ավելի շատ ժամանակ անցկացնել միասին: Մարդիկ վախենում են այն բանից, ինչը նման չԷ իրենց»,- հավելել Է Ռոբերտսը: