368.54
Մայք Փենսը մտահոգություն է հայտնել Թուրքիայում ԱՄՆ քաղաքացիների ձերբակալման առնչությամբ
1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Միացյալ Նահանգների փոխնախագահ Մայք Փենսը Թուրքիայի վարչապետ Բինալի Յըլդըրըմի հետ հանդիպման ժամանակ իր մտահոգությունն է հայտնել այդ երկրում ԱՄՆ քաղաքացիների ձերբակալման փաստի առնչությամբ: Ինչպես հաղորդում է «Արմենպրես»-ը, այս մասին լրագրողների հետ ամենօրյա ճեպազրույցի ժամանակ հայտարարել է ԱՄՆ պետդեպարտամենտի խոսնակ Հեզեր Նոյերթը:
«Փոխնախագահն իր խորը մտահոգությունն է հայտնել ԱՄՆ քաղաքացիների, Թուրքիայում մեր դիվանագիտական առաքելության աշխատակազմի անդամների, լրագրողների, ինչպես նաև քաղաքացիական հասարակության ներկայացուցիչների ձերբակալությունների առնչությամբ, որոնք տեղի են ունենում արտակարգ դրության պայմաններում: Փոխնախագահը հորդորել է նաև ապահովել թափանցիկ և արդար գործընթաց վերոնշյալ դեպքերի քննության համար»,- հայտնել է Նոյերթը:
Պետդեպի խոսնակը հատուկ շեշտել է, որ Մայք Փենսը խիստ անհանգստացած է Թուրքիայում ԱՄՆ քաղաքացիների դեմ հարուցված քրգործերով:
Բաժանորդագրվեք մեր ալիքին Telegram-ում