ՄԱԿ-ի ԱԽ-ն երկխոսության Է կոչել Իրաքի իշխանություններին ու քրդերին Քիրկուկի դեպքերից հետո
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի Անվտանգության խորհուրդն անհանգստություն Է հայտնել Քիրկուկ քաղաքի շրջանում ստեղծված իրադրության կապակցությամբ, որտեղ սրվել են հակասությունները Բաղդադի կենտրոնական կառավարության եւ Քրդական ինքնավար շրջանի իշխանությունների միջեւ:
Հոկտեմբերի 18-ին մամուլի համար հրապարակված հայտարարության մեջ ԱԽ-ի անդամները կոչ են արել կողմերին՝ ձեռնպահ մնալ բռնի գործողություններից եւ տարաձայնությունները կարգավորել սահմանադրական ճանապարհով, տեղեկացնում Է «Արմենպրես»-ը:
«Խորհրդի անդամները կոչ են արել կողմերին՝ ձեռնպահ մնալ ապակայունացնող գործողություններից, ներառյալ ուժի կիրառումը եւ դրա կիրառման սպառնալիքը, եւ կառուցողական երկխոսություն սկսել Իրաքի Սահմանադրության հիման վրա»,- ասված Է հաղորդագրության մեջ: ՄԱԿ-ի ԱԽ-ն կարեւորել Է «Իսլամական պետություն» ահաբեկչական խմբավորման դեմ պայքարում ջանքերի շարունակումը եւ աջակցություն Է հայտնել իրաքյան կողմերի միջեւ երկխոսության հաստատմանն ուղված ՄԱԿ-ի ջանքերին, հաղորդել Է ՏԱՍՍ-ը: