Դինքի գործով մի քանի կասկածյալներ ազատ են արձակվել

ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ստամբուլի՝ ծանր հանցագործությունները քննող 14-րդ դատարանում պոլսահայ մտավորական Հրանտ Դինքի սպանության գործով դատական նիստում դատարանն ազատ է արձակել մի քանի կասկածյալների: Ինչպես հաղորդում է «Արմենպրես»-ը, վկայակոչելով «Ակոս» պարբերականը, ազատ են արձակվել Սամսունի ոստիկանության ղեկավարներ՝ Մատի Բալթայը և Ահմեդ Չեթիները, ինչպես նաև Տրապիզոնի ժանդարմերիայի հետախուզության աշխատակիցներ՝ Էրգյուն Յորուլմազը, Հուսեյն Յըլմազը և Գազի Գյունայը:

Դինքի գործով դատական հաջորդ նիստերը կայանալու են դեկտեմբերի 4-8-ը: