Հայտնի են դարձել քիմիայի բնագավառում Նոբելյան մրցանակի դափնեկիրները

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Շվեդիայի գիտությունների թագավորական ակադեմիան հայտարարել Է քիմիայի բնագավառում 2017 թվականին Նոբելյան մրցանակի դափնեկիրներին, տեղեկացնում Է «Արմենպրես»-ը:

Մրցանակն ստացել են Ժակ Դյուբոշեն, Յոահիմ Ֆրանկը եւ Ռիչարդ Հենդերսոնը՝ «բարձր լուծաչափի կրիոԷլեկտրոնային միկրոսկոպիայի զարգացման համար՝ լուծույթում բիոմոլեկուլների կառուցվածքի որոշման նպատակով» ձեւակերպմամբ: ԿրիոԷլեկտրոնային միկրոսկոպիան այսօրվա դրությամբ բջիջների եւ մոլեկուլների առանձնահատությունների ուսումնասիրման գլխավոր մեթոդներից մեկն Է:

Նման մանրադիտակի շնորհիվ գիտնականները կարող են հետեւել կենդանի բիոմոլեկուլներին եւ ուսումնասիրել բջիջներում սպիտակուցների եռաչափ արտացոլումները: Նոբելյան մրցանակի հաջորդ դափնեկիրը՝ գրականության բնագավառում, կհայտարարվի հոկտեմբերի 5-ին, հաղորդել Է «Ինտերֆաքս»-ը:

Photo Copyright: © Willy Blanchard, EMF, University of Lausanne