Կատալոնիայի ղեկավարը տպավորիչ է համարել հանրաքվեի ադյունքները

ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Կատալոնիայի կառավարության ղեկավար Կառլես Պուչդեմոնը տպավորիչ Է համարել Իսպանիայից ինքնավարության անկախության շուրջ հանրաքվեի ադյունքները, տեղեկացնում Է «Արմենպրես»-ը:

«Քաղաքացիների տպավորիչ պատասխանը: Օիրինականություն եւ արժանապատվություն»,- գրել Է նա Twitter-ում՝ մեկնաբանելով քվեարկության արդյունքները:

Ավելի վաղ Պուչդեմոնը հայտարարել Է, որ ինքնավարության բնակիչները վաստակել են ինքնիշխանության իրավունքը: «Այսօր հույսի օրն Էր, իսկ Կատալոնիայի քաղաքացիները վաստակել են անկախ երկիր դառնալու իրենց իրավունքը»,- ասել Է նա հեռուստաուղերձում:

Կատալոնիայի ղեկավարը հորդորել Է Եվրամիությանը՝ չանտեսել իսպանական ոստիկանության կողմից մարդու իրավունքների խախտումը եւ Մադրիդի հետ երկխոսություն վարելու պատրաստակամություն Է հայտնել:

Կատալոնիայի Ժեներալիտետի (կառավարության) պաշտոնական ներկայացուցիչ Ժորդի Տուրուլը հայտարարել Է, որ Իսպանիայից անջատվելու օգտին հանդես Է եկել հանրաքվեում քվեարկածների 90 տոկոսը: Ընդամենը դրան մասնակցել Է 2,3 մլն մարդ՝ ձայնի իրավունք ունեցող 5,3 մլն քաղաքացիներից:

Անկախությանը դեմ Է քվեարկել ընտրատեղամասեր եկածների 7,8 տոկոսը, քվեարկության մասնակիցների 2 տոկոսը դատարկ քվեաթերթիկնե Է նետել քվեատուփ, քվեաթերթիկների 0,89 տոկոսը փչացված Է եղել:

Իսպանիայի վարչապետ Մարիանո Ռախոյը հայտարարել Է, որ Կատալոնիայում «ինքնորոշման հանրաքվեն չի կայացել»: Միեւնույն ժամանակ նա պատրաստակամություն Է հայտնել Բարսելոնայի հետ երկխոսություն վարել օրենքի շրջանակներում:

Հոկտեմբերի 1-ին Կատալոնիայում հանրաքվե Է անցկացվել Իսպանիայից ինքնավար հանրակցության անկախության հարցի շուրջ, հաղորդել Է ՌԻԱ Նովոստին: