Թուրքիայի քրդամետ կուսակցության ևս մեկ պատգամավոր է ձերբակալվել
1 րոպեի ընթերցում
![Թուրքիայի քրդամետ կուսակցության ևս մեկ պատգամավոր է ձերբակալվել](http://armenpress.am/resized/480/static/news/b/2017/09/905253.jpg)
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի քրդամետ Ժողովուրդների դեմոկրատական կուսակցության պատգամավոր Սիբել Յիղիթալփը Դիարբեքիրում իր իսկ տան առջև ձերբակալվել է: Ինչպես հաղորդում է «Արմենպրես»-ը, այս մասին հայտնում է թուրքական Diken-ը:
Դիարբեքիրի հանրապետական դատախազությունը Յիղիթալփի դեմ մեղադրական զեկույց է պատրաստել: Պատգամավորը մեղադրվում է «ահաբեկչական խմբավորման քարոզչություն անելու», «Թուրքիայի Հանրապետության կառավարությանը, պետության ռազմական ու անվտանգության մարմիններին հրապարակայնորեն ծաղրելու» մեջ:
Թուրքական բանտերում կալանավորված քրդամետ կուսակցության պատգամավորների թիվը 8-ն: Նրանց շարքում է նաև կուսակցության համանախագահ Սելահաթթին Դեմիրթաշը: Կուսակցության մյուս համանախագահ Ֆիգեն Յուքսեքդաղը և պատգամավոր Նուրսել Այդողանը զրկվել են պատգամավորական մանդատից: