3 րոպեի ընթերցում
Այս տարի պատվավոր «Օսկար»-ներ շնորհելու որոշումը վկայում Է, թե որքան ընդարձակ են միջազգային անկախ կինոարվեստի շրջանակները,-նշել Է ակադեմիայի նախագահ Ջոն Բեյլին, որի խոսքը մեջբերված Է մրցանակի կայքում զետեղված մամուլի տեղեկագրում:-Այդ պարգեւները կտրվեն չորս հայտնի կինոգործիչների ստեղծագործությանը, որոնց աշխատանքներն արտացոլում են աշխարհընկալման բազմակողմանիությունը»:
Դոնալդ Սազերլենդը կինոյում նկարահանվում Է գրեթե վաթսուն տարի, սակայն ոչ մի անգամ չի անվանակարգվել «Օսկար»-ի: Նա լայն հանդիսատեսին հայտնի Է «Ջոնին հրացան վերցրեց», «Հպարտություն եւ կանխակալություն», «Հակառակ ձգողություն», «Քաղցած խաղեր» եւ այլ ֆիլմերում խաղացած դերերով:
Չառլզ Բյոռնեթը լեգենդար դեմք Է անկախ կինոյի համար: Իր աշխատանքներում նա պատմել Է ԱՄՆ-ի սեւամորթ բնակչության կյանքի մասին: Նրա «Հանքափոր ոչխարը» ֆիլմը 1981 թվականին ստացել Է Բեռլինի կինոփառատոնի գլխավոր մրցանակը: Օուեն Ռոյզմանը տեսախցիկի հետեւում աշխատել Է «Օսկար»-ի անվանակարգված հինգ ֆիլմերում՝ «Թութսի», «Հեռուստացանց», «Դեւին հալածողը», «Ֆրանսիացի կապավորը» եւ «Ուայաթ Էրփը»:
Անիես Վարդան հայտնի Է դարձել որպես ֆրանսիական նոր ալիքի մայր: Նա 89 տարեկան Է եւ մինչ այժմ ֆիլմեր Է նկարահանում: Վերջին՝ «Գյուղի դեմքերը» ժապավենը, թողարկվել Է այս տարի: Ռեժիսորի առաջին՝ 1956 թվականին նկարահանած «Պուենտ-Կուրտ» ֆիլմը ստեղծագործելու Է ոգեշնչել երիտասարդ կինեմատոգրաֆիստների մի ամբողջ խմբի, հաղորդել Է ՏԱՍՍ գործակալությունը: