Էդուարդ Շարմազանովն այցելել է Օրբելի եղբայրների տուն-թանգարան

2 րոպեի ընթերցում

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԺ նախագահի տեղակալ Էդուարդ Շարմազանովը սեպտեմբերի 5-ին Ծաղկաձորում այցելել է Օրբելի եղբայրների տուն-թանգարան: Նշենք, որ այս տարի լրանում է անվանի ֆիզիոլոգ Լեւոն Օրբելու 135-ամյակը եւ ականավոր հայագետ, արեւելագետ եւ ազգագրագետ, ՀՀ գիտությունների ազգային ակադեմիայի հիմնադիր նախագահ Հովսեփ Օրբելու 130-ամյակը:

Ինչպես «Արմենպրես»-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից,ՀՀ ԱԺ փոխնախագահը դիտել է տուն-թանգարանի ցուցադրությունը, լսել աշխատակիցների առաջարկները:

«Օրբելի եղբայրները հայ ազգի գիտական մտքի մեծություններից են, նրանցից յուրաքանչյուրն իր ոլորտում հասել է համաշխարհային բարձունքների: Նրանց գիտական ժառանգությունն անգնահատելի է»,- ընդգծել է պարոն Շարմազանովը:

Էդուարդ Շարմազանովը տեղեկացրել է, որ իր նախաձեռնությամբ սեպտեմբերի 25-26-ը Սանկտ Պետերբուրգի Տավրիդյան պալատում ԱՊՀ ԽՎ-ը կազմակերպելու է Հովսեփ Օրբելու 130-ամյակին նվիրված միջոցառումներ: Նա հավելել է նաեւ, որ հոկտեմբերին ՀՀ Ազգային ժողովում կկազմակերպվի Օրբելի եղբայրների տուն-թանգարանի ցուցանմուշների ցուցադրություն, կանցկացվի Օրբելի եղբայրների շաբաթ:

«Մենք պարտավոր ենք հիշել, մեծարել եւ ապագա սերունդներին ներկայացնել 20-րդ դարի համաշխարհային մեծության հայ երեք հռչակավոր գիտնական եղբայրներին»,-ընդգծել է Էդուարդ Շարմազանովը:

Նա նշել է նաեւ, որ Լենինգրադի շրջափակման ժամանակ Հովսեփ Օրբելին, լինելով Էրմիտաժի տնօրենը, ֆաշիստական ոչնչացումից փրկել է համաշխարհային արվեստի շատ նմուշներ: ԱԺ փոխնախագահի գնահատմամբ` Հովսեփ Օրբելին Լենինգրադի շրջափակման հաղթահարման խորհրդանիշերից է:

Տուն-թանգարանի աշխատակիցների հետ զրույցի ընթացքում Էդուարդ Շարմազանովը կարծիք է հայտնել, որ կարելի է սկսել քննարկումներ` ՀՀ ԳԱԱ արեւելագիտության կամ հնագիտության եւ ազգագրության ինստիտուտը Հովսեփ Օրբելու անունով կոչելու վերաբերյալ:

Հայերեն English Русский

Տեղական ներդրողն է օտարերկրյա ներդրողների համար լավագույն օրինակը. Տիգրան Հարությունյան

ԵՄ-ին անդամակցության գործընթացի մեկնարկի մասին նախագծով որևէ մեկից ազատվելու միտում չունենք․ Սոնա Ղազարյան

Ռուստամյանի կարծիքով՝ եվրոպական արժեքներին ինտեգրվելու համար ՀՀ-ն նախ պետք է իրականացնի CEPA-ով նախատեսված բարեփոխումները

ԱՄՆ-ն կարող է մի քանի երկրներում փակել հյուպատոսությունները միջոցների խնայողության համար. NBC

«Ես տեր եմ իմ ժամանակին». Հրանտ Մաթևոսյանի խոսքը կրկին հնչեց իր պատշգամբից

ՀՀ ԱԱԾ-ն բացահայտել է դեպի Եվրոպա անօրինական միգրացիայի կազմակերպման դեպք

Եգիպտոսը Գազայի վերականգնման ծրագիր կներկայացնի՝ առանց բնակիչների տարհանման

Շանթ Սարգսյանը և Հայկ Մարտիրոսյանը զբաղեցրեցին 2-րդ և 3-րդ տեղերը «Al-Beruniy» միջազգային մրցաշարում

«Ռեալ»-ն ու «Յուվենթուս»-ը հաղթել են. ՉԼ այլ արդյունքներ

Ճապոնիան ԱՄՆ-ին խնդրել է պողպատի և ալյումինի ներմուծման մաքսատուրքերը չտարածել Տոկիոյի վրա