Շվեդիան պատրաստվում է 106-ամյա աֆղանացի փախստական կնոջը ետ ուղարկել Աֆղանստան
1 րոպեի ընթերցում
![Շվեդիան պատրաստվում է 106-ամյա աֆղանացի փախստական կնոջը ետ ուղարկել Աֆղանստան](http://armenpress.am/resized/480/static/news/b/2017/08/902276.jpg)
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Շվեդիայում ապաստան հայցող 106-ամյա աֆղանացի կինը կարող է ետ ուղարկվել իր հայրենիք՝ Աֆղանստան: Ինչպես հաղորդում է«Արմենպրես»-ը, այս մասին հայտնում էSBS-ը:
Աշխարհի ամենատարեց փախստականներից մեկը՝ աֆղանացի 106-ամյա Բիբիհալ Ուզբեկին, ով լքել է Աֆղանստանի հյուսիսային Քունդուզ քաղաքը, երբ Թալիբան խմբավորումը գրավել է այն, Շվեդիայից կարող է ետ ուղարկվել Աֆղանստան: Տարեց կինը Շվեդիայի իշխանություններից ապաստան է խնդրել, սակայն հնարավոր է՝ չստանա այն:
Ուզբեկին ստիպված է եղել իր ընտանիքի հետ լքել հայրենիքը և ապաստան փնտրել Եվրոպայում դեռևս 2015 թվականի հոկտեմբերին: