2 րոպեի ընթերցում
Ավելի վաղ ԿԺԴՀ-ն հայտարարել Է, որ կարող Է իրականացնել «Հվասոն-12» միջին հեռահարության չորս հրթիռների միաժամանակյա արձակում, որոնք ծովը կընկնեն Գուամից 30-40 կիլոմետր հեռավորությամբ՝ որպես նախազգուշացում ԱՄՆ-ին: Այս կղզում տեղակայված են ամերիկյան երկու ռազմավարական ռազմաբազաներ, ի դեմս որոնց ԿԺԴՀ-ն սպառնալիք Է տեսնում իր անվտանգության համար:
«Հանգամանքներն նպաստավոր չեն, բայց դա լավ հնարավորություն Է մեզ համար՝ աշխարհին տեղեկացնելու Գուամի, մեր մշակույթի մասին, այն մասին, թե ով ենք մենք, ինչ ենք մենք»,-գործակալությունը մեջբերում Է կղզու՝ պաշտոնական տուրիստական բյուրոյի մարկետինգի գծով տնօրեն Ջոշ Տիկուենգկոյի խոսքը: «Գուամն ավելին Է, քան ռազմաբազան: Մենք հարմարվետ ուղղություն ենք ընտանեկան հանգստի համար: Մենք հավաստիացնում ենք պոտենցիալ այցելուներին, որ շարունակում ենք անվտանգ վայր մնալ ճանապարհորդության համար»,-հավելել Է Տիկուենգկոն:
Գուամի տնտեսության հիմքը զբոսաշրջությունն Է: Այստեղ տարեկան այցելում են միլիոնից ավելի զբոսաշրջիկներ (85 տոկոսը ժամանում են Ճապոնիայից): Տուրիզմի հիմնական տեսակներն են՝ լողափայինը, դայվինգը, սերֆինգը եւ վինդսերֆինգը, հաղորդել Է ՌԻԱ Նովոստին: