368.26
Սաակաշվիլիին քաղաքացիությունից զրկելը Ուկրաինան մոտեցնում է բռնապետության. Տիմոշենկո
1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Միխեիլ Սաակաշվիլիին Ուկրաինայի քաղաքացիությունից զրկելն այդ երկիրը ևս մեկ քայլով մոտեցնում է բռնապետության: Ինչպես հաղորդում է «Արմենպրես»-ը, նման կարծիք է հայտնել Ուկրաինայի նախկին վարչապետ, «Բատկիվշինա» կուսակցության առաջնորդ Յուլիա Տիմոշենկոն:
«Միխեիլ Սաակաշվիլիին ուկրաինական քաղաքացիությունից զրկելը ևս մեկ քայլ էր բռնապետության հաստատման ուղղությամբ»,- ֆեսյբուքյան իր էջում գրել է Տիմոշենկոն:
Ավելի վաղ հաղորդել էին, որ Ուկրաինայի նախագահ Պետրո Պորոշենկոյի հրամանագրով Միխեիլ Սաակաշվիլին զրկվել է Ուկրաինայի քաղաքացիությունից:
Բաժանորդագրվեք մեր ալիքին Telegram-ում