Մարտին Սարգսյանը պարգեւատրվել է ՀՀ Ազգային ժողովի պատվո մեդալով

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: ՀՀ ԱԺ նախագահ Արա Բաբլոյանը հուլիսի 11-ին ՀՀ կառավարությանն առընթեր անշարժ գույքի կադաստրի պետական կոմիտեի նախագահ Մարտին Սարգսյանին պարգեւատրել է ՀՀ Ազգային ժողովի պատվո մեդալով: Պարգեւը Մարտին Սարգսյանին շնորհվել է ՀՀ կառավարությանն առընթեր անշարժ գույքի կադաստրի պետական կոմիտեի համակարգի ստեղծման 20-րդ տարեդարձի առթիվ եւ հասարակական-քաղաքական կյանքում ունեցած ավանդի եւ օրինաստեղծ գործունեության համար:

Ինչպես «Արմենպրես»-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից, ՀՀ ԱԺ նախագահ Արա Բաբլոյանը շնորհավորել է Մարտին Սարգսյանին՝ բարձր գնահատելով նրա մարդկային հատկանիշներն ու մասնագիտական որակները:

Մարտին Սարգսյանը, շնորհակալություն հայտնելով բարձր պարգեւի համար, վստահեցրել է, որ այսուհետ եւս կշարունակի աշխատել նույն նվիրումով՝ ի շահ Հայաստանի Հանրապետության: