1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Չինաստանում տեղի ունեցած սողանքի հետևանքով ավելի քան 100 մարդ անհետ կորած է համարվում: Ինչպես հաղորդում է «Արմենպրես»-ը, վկայակոչելով «Ինտերֆաքս» գործակալությունը, սողանքը տեղի է ունեցել Սիչուան նահանգի Մաոսյան շրջանում:
Սողանքի տակ է մնացել շուրջ 40 տուն: Այս պահին դեպքի վայրում իրականացվում են որոնողափրկարարական աշխատանքներ: Փրկարարները փորձում են ողջ մնացած մարդկանց գտնել: Սողանքի պատճառ են դարձել հորդառատ անձրևները: