1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի Համայնքների պալատի ներկա կազմը դադարեցրել է իր գործունեությունը: Այդ մասին տեղեկացրել է Մեծ Բրիտանիայի վարչապետ Թերեզա Մեյը Ելիզավետա-2-րդ թագուհու հետ հանդիպումից հետո, որի ընթացքում համաձայնեցվել է խորհրդարանի ստորին պալատը ցրելու հարցը՝ կապված հունիսի 8-ի համընդհանուր ընտրությունների հետ:
«2015 թվականին ձևավորված խորհրդարանն այժմ դադարեցրել է իր գործունեությունը և 36 օր անց երկիրը կընտրի նոր կառավարություն ու վարչապետ»,- ինչպես փոխանցում է «Արմենպրես»-ը` վկայակոչելով ՏԱՍՍ-ը, ասել է Մեյը:
Նրա խոսքով, ով էլ հաղթի առաջիկա ընտրություններում, նա կբախվի ԵՄ-ի հետ բանակցությունների արդյունքներով Մեծ Բրիտանիայի համար Brexit-ի լավագույն պայմաններին հասնելու խնդրին:
Լուսանկարը` AP