Էրդողանը և Պուտինը կողմ են Սիրիայում քիմիական զենքի կիրառման կազմակերպիչներին պատժելուն
2 րոպեի ընթերցում
![Էրդողանը և Պուտինը կողմ են Սիրիայում քիմիական զենքի կիրառման կազմակերպիչներին պատժելուն](http://armenpress.am/resized/480/static/news/b/2017/05/889254.jpg)
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հայտնել է,որ ինքը և Ռուսաստանի նախագահ Վլադիմիր Պուտինը կողմ են, որ պատժվեն սիրիական Իդլիբում քիմիական զենքի կիրառման կազմակերպիչները:
Այս մասին, ինչպես հաղորդում է «Արմենպրես»-ը, հայտնում է «ՌԻԱ Նովոստի»-ն: «Այս բարբարոսական հարձակումը չպետք է անպատիժ մնա: Այսօր պարոն Պուտինի հետ եկանք այն եզրակացությանը, որ հարձակման կազմակերպիչները պետք է պատժվեն»,- նշել է Էրդողանը: Սիրիական ընդդիմության հաղորդմամբ` ապրիլի 4-ին սիրիական Իդլիբ նահանգի Խան Շեյխուն քաղաքում իրականացված քիմիական հարձակման հետևանքով 80 մարդ զոհվել է, 200-ը` վիրավորվել:
Ապրիլի 5-ին Մեծ Բրիտանիան, ԱՄՆ-ն եւ Ֆրանսիան ԱԽ-ի քննարկմանն էին ներկայացրել բանաձեւի նախագիծ, որը դատապարտում Է քիմիական զենքի կիրառումը Իդլիբում: Ապրիլի 4-ին Reuters գործակալությունը, վկայակոչելով Լոնդոնում գտնվող «Մարդու իրավունքների պաշտպանության մոնիթորինգի սիրիական կենտրոնը» նշել Էր, որ հարվածը կարող Էին հասցնել Սիրիայի կառավարական ուժերը, որոնք «թունավոր գազ» են կիրառել: Ռուս եւ սիրիացի զինվորականները ժխտել են իրենց մասնակցությունը կատարվածին: Ավելի ուշ ՌԴ-ի պաշտպանության նախարարությունը հաղորդել Է, որ ապրիլի 4-ի ցերեկը Խան Շեյխունի արեւելյան ծայրամասերին հարվածը հասցրել Է սիրիական օդուժը: Ռուսաստանի տվյալներով՝ դրա հետեւանքով ոչնչացվել են այն արտադրամասերը, որտեղ զինյալներն արտադրում Էին թունավոր նյութերով զինամթերք, որը մատակարարվում Էր Իրաքին, ինչպես նաեւ կիրառվում Էր Հալեպում, հաղորդել Էր ՏԱՍՍ-ը: