ԱՄՆ-ում միաշարժիչ ինքնաթիռն ընկել Է խճուղու երթեւեկելի մասում
1 րոպեի ընթերցում
![ԱՄՆ-ում միաշարժիչ ինքնաթիռն ընկել Է խճուղու երթեւեկելի մասում](http://armenpress.am/resized/480/static/news/b/2017/05/889227.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Համացանցում հայտնվել Է Վաշինգտոնի նահանգի Մեքիլթեո քաղաքի խճուղու վրա Piper PA-32 միաշարժիչ ինքնաթիռի ընկնելու տեսագրությունը: Աղետի պահը պատկերված Է վարորդներից մեկի տեսագրանցիչի խցիկով, տեղեկացնում Է «Արմենպրես»-ը:
Տեսագրության մեջ երեւում Է, թե ինչպես Է օդանավն իջնելով դիպչում սյանը եւ կտրում Էլեկտրական հաղորդալարերը: Ծակվում Է ինքնաթիռի վառելիքի բաքը, ինչից հետո օդանավն անհետանում Է կադրից՝ այրվող բենզինով պարուրելով առջեւում գտնվող ավտոմեքենան:
ABC News հեռուստաալիքի տեղեկություններով՝ օդանավակայանից թռչելուց անմիջապես հետո խափանվել Է ինքնաթիռի շարժիչը: Մեքիլթեոյի ոստիկանությունում հայտնել են, որ պատահարի հետեւանքով ոչ ոք լրջորեն չի տուժել: Վնասվել են մի քանի ավտոմեքենաներ, եւս մեկն այրվել Է, հաղորդել Է ՌԻԱ Նովոստին: