ԱՄՆ-ում 3D-տպիչ են մշակել տների կառուցման համար. CNN
2 րոպեի ընթերցում
![ԱՄՆ-ում 3D-տպիչ են մշակել տների կառուցման համար. CNN](http://armenpress.am/resized/480/static/news/b/2017/05/889165.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Մասաչուսեթսի տեխնոլոգիական ինստիտուտի (MIT) հետազոտողներն շարժական 3D-տպիչ են ստեղծել տների կառուցման համար, ինչի մասին հայտնել Է CNN ամերիկյան հեռուստաընկերությունը, տեղեկացնում Է «Արմենպրես»-ը:
Ինչպես նշել Է հեռուստաընկերությունը, համակարգը թույլ Է տալիս գրեթե 14 ժամում կանգնեցնել մոտավորապես 15 մետր տրամագծով եւ շուրջ 4 մետր բարձրությամբ կլոր ձեւի կառուցվածքներ:
3D-տպիչն իրենից ներկայացնում Է երկու պտտվող մանիպուլյատորներ՝ մեծ եւ փոքր: Սարքը տեղակայում են այն վայրում, որտեղ պլանավորվում Է կառուցել տունը, այնուհետեւ մանիպուլյատորներն ավտոմատ ռեժիմով հատուկ փրփուրից ստեղծում են շենքի կմախքը ներսից: Գործընթացի ավարտից հետո տպիչը հանում են շենքից:
Ինստիտուտի մասնագետները նշում են, որ այս եղանակը թույլ Է տալիս Էապես Էժանացնել շինարարությունը, ինչպես նաեւ այն դարձնել ավելի անվտանգ: 3D-տպիչը հեռանկարում պետք Է դառնա լիովին ինքնավար, սակայն ներկայում անվտանգության նպատակով դրա աշխատանքին հետեւում Է օպերատորը: Հետազոտողները կարծում են, որ ապագայում սարքը կարող Է հանդերձվել արեւամարտկոցով: Տվյալ մշակումների վերաբերյալ մանրամասն տեղեկատվություն Է հրապարակված Science Robotics գիտական հանդեսի Էջերում, հաղորդել Է ՏԱՍՍ-ը: