ՌԴ-ն եւ Թուրքիան զենքի համատեղ ստեղծման նախագծեր են քննարկում
2 րոպեի ընթերցում
![ՌԴ-ն եւ Թուրքիան զենքի համատեղ ստեղծման նախագծեր են քննարկում](http://armenpress.am/resized/480/static/news/b/2017/05/889144.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Սպառազինությունների ռուսաստանյան հատուկ արտահանող «ՌոսօբորոնԷքսպորտ» ընկերությունը (մտնում Է «Ռոստեխ» պետական կորպորացիայի մեջ) թուրք գործընկերների հետ քննարկում Է զենքի հեռանկարային նմուշերի ստեղծման մի շարք նախագծեր: Այդ մասին, ինչպես տեղեկացնում Է «Արմենպրես»-ը, հայտնել Է ընկերության մարկետինգային գործունեության դեպարտամենտի պետի տեղակալ Վլադիմիր Գոնչարովը:
«Թուրքիայի Հանրապետության ազգային պաշտպանության նախարարությունը հետաքրքրվում Է ռազմական նշանակության լայն ընդգրկման արտադրանքով, մասնավորապես, տարբեր հեռահարության ռուսական հակաօդային պաշտպանության համակարգերով: Բացի այդ, մենք տեխնոլոգիական գործընկերության մի շարք նախագծեր ենք քննարկում զենքի հեռանկարային տեսակների համատեղ մշակումների եւ արտադրության բնագավառում»,- Գոնչարովի խոսքը մեջբերում Է ընկերության մամուլի ծառայությունը:
Նա հավելել Է, որ «ՌոսօբորոնԷքսպորտը» 2016 թվականի վերջից թուրք գործընկերների հետ ակտիվորեն կոնսուլտացիաներ Է վարում սպառազինությունների եւ ռազմական տեխնիկայի մատակարարումների շուրջ:
Մամուլի ծառայությունում նաեւ հայտնել են, որ ընկերությունը միասնական ռուսաստանյան ցուցադրանքի կազմակերպիչն Է պաշտպանական արդյունաբերության IDEF-2017 միջազգային ցուցահանդեսում, որն Ստամբուլում տեղի Է ունենալու մայիսի 9-ից մինչեւ 12-ը, հաղորդել Է ՏԱՍՍ-ը: