390.33
Ամռանը վերաբացվելու Է Հալեպի խոշորագույն տուրիստական համալիրը
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Սիրիայի Հալեպ քաղաքի «Անդալուզիա» տուրիստական-ժամանցային համալիրը, որը խիստ տուժել Էր մարտական գործողությունների հետեւանքով, պլանավորվում Է բացել արդեն այս տարվա ամռանը: Այդ մասին, ինչպես տեղեկացնում Է «Արմենպրես»-ը, լրագրողներին հայտնել Է համալիրի ինժեներ Հասան Թարաբիշին:
«Մեր կենտրոնը չի աշխատում պատերազմի սկսվելուց ի վեր: Այդ ընթացքում այն շարունակ գնդակոծում Էին զինյալները, մենք հսկայական վնասներ ենք կրել: Այնուամենայնիվ, մենք լի ենք լավատեսությամբ: Գլխավորն այն Է, որ մարտական գործողությունները չվերսկսվեն»,-ասում Է նա:
Պատերազմից առաջ այս ժամանցային համալիրը հանգստի սիրելի վայրերից մեկն Է եղել ոչ միայն Հալեպի եւ Սիրիայի այլ քաղաքների բնակիչների, այլեւ օտարերկրյա զբոսաշրջիկների համար: Միաժամանակ այստեղ կարող Էր հանգստանալ մի քանի հազար մարդ: «Մենք պլանավորում ենք ավարտել վերանորոգումը եւ մեր տուրիստական համալիրի դռները բացել արդեն երեք ամիս հետո: Փող կա, գտել ենք ներդրողի, այնպես որ ամռանն սպասում ենք առաջին այցելուներին»,-պատմել Է Թարաբիշին:
Տեղի իշխանությունները պլանավորում են նորոգել սոցիալական կարեւորություն ունեցող բազմաթիվ այլ օբյեկտներ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում