368.54
ՀՀ նախագահ Ռոբերտ Քոչարյանն ընդունել է ծանրամարտի Եվրոպայիառաջնության հայ չեմպիոններին եւ նրանց մարզիչներին
1 րոպեի ընթերցում
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է Ստրասբուրգում կայացած ծանրամարտի Եվրոպայի առաջնությունից հաղթանակով վերադարձած հայ ծանրորդներին եւ նրանց մարզիչներին: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, հանրապետության նախագահը շնորհավորել է ծանրամարտի թիմին փայլուն հաղթանակի համար, եւ շնորհակալություն հայտնել այն փառահեղ պահերի համար, որ նրանք իրենց հաղթանակով պարգեւել են բոլորիս: Նա հատկապես հպարտությամբ ու զարմանքով է խոսել ծանրորդուհիների մասին, ովքեր իրենց ուղղակի փայլուն են դրսեւորել: Ըստ Ռոբերտ Քոչարյանի` անկախ Հայաստանում մենք նման հաղթանակ չենք ունեցել, եւ այն ոգեւորիչ օրինակ կարող է լինել շատերի համար: Ազգային օլիմպիական կոմիտեի նախագահ Գագիկ Ծառուկյանն այս հաջողությունը համարել է նաեւ հանրապետության նախագահի կողմից սպորտի զարգացման նկատմամբ դրսեւորվող ուշադրության ու հոգածության արդյունք: Միաժամանակ նշվել է, որ հաղթանակի հետ մեկտեղ, դեռեւս շատ անելիքներ կան. առջեւում օլիմպիական խաղերն են, իսկ սեպտեմբեր ամսին կայանալու է աշխարհի առաջնությունը, որին եւս պետք է լրջորեն պատրաստվել:
Բաժանորդագրվեք մեր ալիքին Telegram-ում