368.53
Կոլումբիայում սելավային հոսքի հետևանքով զոհվել է ավելի քան 100 երեխա
1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Կոլումբիայի Մոկոա քաղաքում նախորդ շաբաթ գրանցված սելավային հոսքի հետևանքով զոհվել է առնվազն 102 երեխա: Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, այս մասին հայտնել է Կոլումբիայի աղետների ռիսկի կառավարման ազգային գրասենյակը:
Գրասենյակի վերջին տվյալներով` ընդհանուր առմամբ զոհվել է 314 մարդ, վիրավորվել են 332-ը: Հարազատներին տրվել են 247-ի դիերը:
Իշխանությունները հայտարարել են 127 անհայտ կորածի մասին: Նրանց շարքում են երեք օտարերկրացի` Իսպանիայի, Գերմանիայի և Էկվադորի քաղաքացիներ:
Բաժանորդագրվեք մեր ալիքին Telegram-ում