1 րոպեի ընթերցում
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Ճապոնական ավիաընկերությունները ձյան առատ տեղումների պատճառով չեղյալ են համարել 104 թռիչք: Ինչպես հաղորդում է «Արմենպրես»-ը, այս մասին տեղեկացնում է «ՌԻԱ Նովոստի»-ն:
Ձյան առատ տեղումներն ընդգրկել են գրեթե ողջ Ճապոնիան` բացառությամբ երկրի արևելյան մի շարք շրջանների: Երկրի որոշ շրջաններում ձյան շարքի հաստությունը հասել է 2.5 մետրի:
Օդերևութաբանների տվյալներով` առաջիկա օրերին ևս սպասվում են ձյան տեղումներ: